मित्रराष्ट्र भारतको उत्तराखण्डमा बसोबास गर्ने उप्रेती बन्धुहरूका बारेमा जानकारी प्राप्त गर्न र सम्बन्ध विकास गर्न त्यसक्षेत्रको भ्रमणमा रहुभएका उप्रेती समाजसेवा समितिका शंकरनाथ उप्रेती र नन्दु उप्रेती हाल अल्मोडाको भ्रमण सकेर पिथौरागढ पुग्नुभएको छ ।

भ्रमण टेलिलाई पिथोरागढमा न्युज18 समाचार संस्थाका प्रतिनिधि विजय वर्धन उप्रेती र स्थानीय निशिद उप्रेतीले स्वागत गर्नुभएको थियो । हिजो २९ गते उहाँहरूले अल्मोडाका उप्रेती बन्धुहरूसँग भेटघाट गर्नुभएको थियो । मेडिकल व्यवसायी गिरीश उप्रेती र पिटीआईका अल्मोडा प्रतिनिधि पत्रकार निर्मल उप्रेतीलगायतका बन्धुहरूसँग भेटघाट एवं फोन सम्पर्क गर्नु भएको थियो । सो अवसरमा उहाँहरूबिच खेतीग्राम, उप्रेती खोलामा बसोबास गर्ने उप्रेतीका बारेमा, वंशावलीमा यसक्षेत्रका उप्रेती बन्धुहरूका विवरण समावेश गर्न गर्नुपर्ने कार्य नियमित सम्पर्कमा रहने बारेमा छलफल भएको थियो ।

आज उहाँहरूको पिथौरागढका उप्रेतीहरूसँग भेटघाट गर्ने कार्यक्रम रहेको छ।

२०८०।१२।३०